Plantun de Prouvènço

Pèr coumpara dos planto d'encò nostre

Sisymbrium irio & Barbula unguiculata

Rabo-cau

Sisymbrium irio

Brassicaceae Cruciferae

Àutri noum : Rouqueto, Rabicau.

Noms en français : Vélaret, Herbe aux chantres.

Descripcioun :
Lou rabo-cau es uno planto de l'an que trachis en ribo de camin, dins lis ermas e proche d'oustau. Se recounèis à si gràndi fueio penado e soun inflourejado emé si pichòti flour. Li jòuini silico arribon quàsi tóuti au meme nivèu.

Usanço :
La planto èi manjadisso mai èi pulèu couneigudo pèr èstre vertuouso contro l'estegnemen de voues (s'aplico d'òli de rabo-cau sus la garganto). Ei bono pèr souda li plago e peréu contro li rufo (n'i'a proun dins de crèmo).

Port : Erbo
Taio : 10 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Sisymbrium
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Febrié à jun

Liò : Escoumbre e proche dis oustau - Champ - Camin
Estànci : Termoumediterran à Coulinen
Couroulougi : Pancaro entresigna
Ref. sc. : Sisymbrium irio L., 1753

Barbulo-ounglo-d'aucèu

Barbula unguiculata

Pottiaceae

Nom en français : Barbule ubiquiste.

Descripcioun :
Aquelo mousso coumuno au nostre trachis sus lou sòu e sus lis endré ounte i'a un pau de terro. I'agrado li liò dubert e lou lume. Fai facilamen d'espouroufite à la primo. Se recounèis subretout à sa fueio acabado pèr uno pouncho emé de bord recurva. Lou boursèu èi d'un verd un pau sourno alor que la couifo se trovo èstre longo, la sedo èi roujo. Dedins li dènt dóu peristome soun peréu longo e espiralado.

Usanço :
Es proche d'àutri meno dóu meme gènre, coume Streblotrichum (Barbula) convoluta pu pichoto qu'a ges de longo pouncho e peréu li fueio soun plano. Se pòu engana tambèn emé d'àutri Potiaceae.